Hassani-Mhamed.overblog.com

Terwi teberwi

26 Juillet 2020 , Rédigé par Hassani Mhamed Publié dans #poèsies, #ta medyezt, #renouveau culturel

Terwi teberwi

Texruri

Ulac wi ara tt isegmen

Wa yettak wa yettawi

Wa izedt wa ifessi

Tasirt tezzâd g ilem

Ula d nek tâerq iyi tikli

Id wigh g temzi

D awehci ur d bnigh llem !

Terwi teberwi

Ur nuki

Ghas ldint walen

Wa yekkat wa yessendi

Wa yettru wa yettgheni

Wissen anwa i tt id isekkren

Ghas necfa f ass ni

G id nebda tikli

Bghan agh rren aman d asawen !

Terwi tekerneni

Tberneni

Tekcem tidett axemmem

Wa yesrakat yettseyyi

Wa yessendah ifetti

D nuba n yal yiwen

Zaâma necna f dukli

Yessufughen tirni

Akken inegura ad rtih’en

Mhamed Hassani yulyu 2020